‏عبير نصر‏
بالعربي المفشكل وبعيداً عن كل تنظير...

ندراً علي، ندراً علي... بس تخلص صواريخ الميغ، وبراميل البارود، ورصاص قنص الأحلام ، واغتصاب الضحكات، وحقد سكاكين الدبح..، رح اشرب قنينة نبيذ كاملة، إي كاملة، ويمكن تنين ما بعرف، ورح اقلع كندرتي إلي كعبها عالي كتير لحتى صير على مستوى وجع التراب، ويمكن أقل، ورح ارقص وارقص وارقص وارقص لحتى ابكي من وجع الفرح، يمكن وقتها رح يفيض بجسمي بردى، وتلفني سما الشام، ويطبطب على دمعي قاسيون، ويرجع الصنوبر يخضر، والصبار يكبر،... بدي غني مع إنو صوتي مو حلو.. مو حلو بنوب على فكرة، بدي غني ودور دور بساحات الحبّ المدمرة، بدي غني لدرعا وريف الشام وحمص وإدلب وحلب وحماه ودير الزور وطرطوس وبانياس والحسكة واللاذقية والرقة والسويدا والقامشلي، .....
على فكرة أنا شاربة قنينة نبيذ... يا ترى الخمر بيصنع أحلام حلوة، ولا إحساسي المسبق بالأشياء الحلوة على موعد معي، ومعكون؟؟؟!!!......
صباحكم سوريّ بمنتهى العشق والخلود ... وكما يليق بكم