إعـــــــلان

تقليص
لا يوجد إعلان حتى الآن.

معتقدات شامية !!!! (ولا أحلى)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • معتقدات شامية !!!! (ولا أحلى)

    معتقدات شامية


    *اذا انكسرت كاسة بيقولوا: انكسر الشر
    (تقولوا الشر مخلوق من الزجاج)

    *اللي بياكل من رغيف غيره يخاصمه و يعاديه
    (كتير بتكون قاعد سفرة الاكل وبتلاقي الام عم تخانق ابنها لانو اكل من خبزة اخوه : ليش قال اذا اكل من خبزة اخوه بيتخانق معو على أساس ما بيتخانقوا الا مشان هيك)

    *اذا مر حدا فوق الطفل ما بقا يطول
    ( انو اذا طفل صغير مسطح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!! و متل ما بقول المتل فشخة حية ولا فشخة بنية والله طلع البني آدم عنده معجزات ونحنا مو عارفين)

    *قص الاظافر بالليل مو منيح
    (لا تسألو ليش ما بعرف ولا حدا بيعرف بس مو منيح و خلص )

    *مراششة الميه فراق
    (ما بصير حدا يرش رفيقو بالمي لان بعدين بيتفرقوا اي شو عم يرشه بالزيت كاز )

    *للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين
    (واللي بيعمل غير هيك بيتحول لسعدان !!! هي مزحة لا تصدقو)

    *اذا اجت الكندرة فوق الكندرة يعني رايحين مشوار
    (يعني اذا اجت تحتها يعني راجعين من المشوار ؟؟؟؟)

    *اذا زحف الولد او زقزقت العصافير معناها جاينا ضيوف
    (وبهيك حالة لازم توقفوا ورى الباب لانهم بكونوا عالطريق)

    *اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل
    (واذا طنوا مع بعض معناتها طرشت عليك العوض)

    *اذا كان في خناقة بيقولوا اقلبوا الصرامي لتحمى الخناقة
    (شماتة الله لا يشمت حدا فينا)

    *اذا رفت عيني اليمين بيكون جاينا خبر طريف واذا رفت عيني الشمال بيكون جاينا خبر مو منيح
    (اما اذا رفوا سوى فأنت اكيد احول)

    *اذا حكني حاجبي معناها بدنا نستقبل حدا جاي من السفر
    إذا حكني كفي اليمين معناها بدي أقبض مصاري
    وإذا حكني كفي اليسار معناها بدي أدفع مصاري
    (اما اذا حكك شي تاني فأنت اكيد جربان روح تحمم)

    *وما بصير الحمام بالليل
    (طبعا شي بديهي لأن اكيد المي بتكون مقطوعة)

    *واذا شفت مقص مفتوح لازم فورا تسكرو
    (لانو المقص الفاتح تمو بيعمل خناق او يمكن او ممكن يكون شي عقدة نفسية المهم تركوه مسكر وبس)

    *وإذا عمل العصفور تحتو على الأواعي يعني جاييكون رزقة
    (وما لازم تغسل ملابسك شي سنة مشان الرزقة)

    *ودلق القهوة رزقة وكمان نفس الحكي خليها مدلوقة لا تمسحها
    و شرب المي بعد القهوة قلة زوء
    (حتى لو اتشردقت موت ولا تشرب مي )

    *واذا الولد الصغير كتير ابن الشهور عم يضحك لحالو
    بيقولو الملايكة بتكون عم تحاكيه بس ابصر شو ؟؟؟!!!

    *كمان يلي حامل بصبي بتتباشع و ببنت بتحلا وإذا الطفل قعد بالصينية وهي عالأرض بيرتعبوا لأنه هاد الولد رح يضيع
    (ويمكن يتشرد هاد اذا ما طلع حرامي كمان )

    *كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة هدا دليل على انو هالشخص ناقص

    (واذا ما صبلك قهوة ابداً معناتها أكيد بخيل مافي شك)

    *واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة او اقرأ سورة الزلزلة
    (بس اكيد في عالم اذا بتقرأ القرأن كله بيضلوا لازقين عندكوم فلا تحاول)

    *واذا خايف من عين اتصيبك جيب ورقة واكتب عليها اسم الشخص الي خايف من عينو وغزها بالدبوس وانت عم تقراء المعوذات وتقول من عين افلان و تنفخ...
    (وفي حل تاني انك تروح تشيل عيونه وبال وجعة هالراس)

    *والي بعد النجوم بيطلعلو تالولات بايدو
    (بس اذا حسن يحصيهم ما بيطلع شي)

    *وبعد ما نخلص صلاة نطوي السجادة مشان الشيطان ما يصلي عليها
    (معلش خليه يصلي وياخود ثواب وانتو كمان تاخدو من بعدو!! ولو شبنا)



    Photographs - Logos - Webs -
    Advertisements

    00963-932767014
    [email protected]

يعمل...
X