للشاعر مفلح الرشيدي - هجرس الخاطر

[المحامية ديمة تامر سندس]

هجرس الخاطر - للشاعر مفلح الرشيدي

هجرس الخاطر وجيته على طوعه
وقمت اترجـــم باخـر اليـل وجدانـه
مثل هالهاجـــوس مامرنـي نوعـه
عودت لي منه الاحسـاس رويانـه
يشهـــــد الله ماتطرقـة موضوعـه
ليـن فاجانـي صحيبـي بنكــــــرانـه
قلت اجامل والخوي شانت طبوعـه
واعتبرها نــــــوع تطفيـش وميانـه
وصحبتآ ماهي على الحق مشروعه
تنكشف مع طولت الوقت وازمانـه
وتعتبر مع طلعت الشمس مقطـــوعه
ويندم الجاهل على غلطت الســـانـه
ولاشتــــم الجاهل اليا قلت اسنوعـه
ولاقــــــرب الخايـن ولاطـــق بيبانـه
والخوي وان ظــامه الوقت بجموعه
صرتله اقـرب مـن الاخـــــــولخوانـه
وحدنــــي وقتي على الجال وفزوعـه
واستعزت وعــــدت والنفـس قنعانـه
صحبتآ هالوقـــــت ياروعتي الروعـه
تحــــــــرج الرجال من فعـل صحبانـه
كونها من طيــــــنة الكـذب مصنوعـه
ما راءها عــــــــز بالضيـق واعوانـه
والردي غــــــــرار لوثـاع لـه ثوعـه
ساعة الشـدات مايحتــــــــمـي شانـه
الخسـاره هقـــــوتآ فيـه مـزروعـه
ماثمرت من لاهـــب القيض عطشانه
خاب ضني باجــــرد الوقت وربوعـه
اثرميــــــــقاف السعـه مالـه الخانـه
والثقه من صحبت الوقت منــــزوعـه
والعليـل المنتـــــــظـر صحـة ابدانـه

للشاعر القدير مفلح الرشيدي