حـ تعيش يا شهيد
شعر / سامى النجار
حـ تعيش مع كل شمس بتتولد
فى ضحكة الكبار
وبسمة الــــــــصغار
00000000000
حـ تعيش يا شهيد
000000000000
يا غنوة الأغانى يا بسمة الأمانى
يا أغلى البشر
يا سيد الرجال يا محنى الرمال
بدم وشرر
عديت القنال هديت المحال
فجرت الصخر
حـ تعيش جوه المصانع
وفى الجوامع والحارات
حـ تعيش فى الصوامع
والشوارع والساحات
فى ضحكة الكبار
وبسمة الصغار
000000000000000
حـ تعيش يا شهيد
0000000000000
فى حكاية حب وقصة شعب
مع نغمة ناى
تحت الشجرا وفى ضى القمرا
وبراد الشاى
مع كل طوبة بتتبنى فى مصنع جديد
مع بنتى وداد وفرحة وزفة وعش سعيد
فى ضحكة الكبار وبسمة الصغار
حـ تعيش يا شهيد
تعليق