في مثل هذا اليوم
منذ سنة
Fareed Zaffour
٢٢ أبريل ٢٠٢٠ م

د.محمد خليل ابو الخير- مجلة عشنا و شفنا 3Shna & Shofna
١٨ أبريل ٢٠٢٠ ·
قصة يحيى الفخراني وزوجته الكاتبة الدكتورة لميس جابر، من القصص الملهمة واللى بتعبر عن الطبيعة المصرية الطيبة الأصيلة، اللى قامت عبر التاريخ على الوحدة والنسيج الواحد حتى مع اختلاف العقيدة الدينية.
دكتورة لميس مسيحية، ويحيى الفخراني مسلم، لكن جمعتهم قصة حب من أجمل ما يمكن، بدأت لما شافها في كلية الطب لأول مرة، كان بيقدم مسرحية في مسرح الجامعة، لكن مشكلة حصلت اتسببت في إنه يغضب ويسيب المسرح ويطلع بره، لقى مين مستنيه لأول مرة؟ زميلة في الكلية، كانت واقفة بتتفرج، فمنعته وهدأته وهوّنت عليه غضبه وانفعاله، ورجع بالفعل وقدم أحلى عرض في حياته، بحسب ما قال.
من الموقف ده، اتوطدت علاقتهم كزملاء، ثم تحولت الزمالة إلى صداقة ثم إلى قصة حب امتدت إلى 50 سنة لحد النهاردة.
بتحكي لميس وتقول إنها نادرا لما بتتخانق معاه، وعمره ما قالها كلمة وحشة، هو كمان قال عنها إنها ست عظيمة، لولاها مكنش تقدم أي خطوة في حياته المهنية، وقال كمان إن اختلاف الديانتين مأثرش نهائي على العلاقة وإنها بتصوم معاه في رمضان ومع الأولاد، وإنها هي اللى بتعملهم الفطار.
مش بس كده، دكتورة لميس قالت إنها تعلمت الدين الإسلامي حتى تعلمه لأولادها، وإن رمضان من أجمل الشهور على الإطلاق في السنة.فيهاحاجةحلوة.