أكرم حسانين٣ يوليو، الساعة ٦:٥٨ م
فاكر لما… كنا لمة…. جوه طشت بنستحمى…..
الحياة كانت بسيطة…. والدولاب مسمار في حيطة
وأمهات كانت حويطة…… مطبخها وابور وحلة….
وغدوة في الضهرية حلوة…..ونومه رايقة في حته ِضله
وصهد فرن يدفي ضهرك … مش سرير وخشب وملة
ضحكة صافية وألف عافية …. والكولدير كان زير وقُله
ولمة العيلة الكبيرة ………. جنب راكيه دافية حلوة
راحت البسمة الجميلة …غابت الضحكة اللي طاله
ميت خسارة علي البساطة… كانت حياتنا بيها جنة
الحياة دلوقتي زيطة …..زمبليطة .. وخلطبيطة.
بس أجمل ذكرياتنا …. وأحلي كل سنين حياتنا
لما كنا… بنبقي لمه … جوه طشت بنستحمي.
ذكريات من ٥٠سنة