إعـــــــلان

تقليص
لا يوجد إعلان حتى الآن.

زوجة الحمصي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • زوجة الحمصي

    ثلاثة مهندسين إيرلندي وفرنسي وحمصي كانوا بيشتغلو بشركة مقاولات بدبي بتعمل ناطحة سحاب
    وكل يوم بياخدو بريك الساعة 11 وبيفطروا مع بعض ، طبعا كل واحد جايب فطوره من البيت.

    أول يوم فتح الايرلندي صندوق الإفطار لاقى جواته همبرغر، قال شو هاد كل يوم همبرغر همبرغر همبرغر ،
    والله إزا بكرا مرتي بتحطلي همبرغر الا أرمي حالي من البرج وأنتحر

    فتح الفرنسي صندوق الإفطار لاقى ستيك ، قال شو هاد كل يوم ستيك ستيك ستيك ،
    والله لو بكرا مرتي بتحطلي ستيك الا أرمي حالي من البرج وأنتحر

    فتح الحمصي صندوق الإفطار لاقى حمّص ، قال شو هادا كل يوم حمّص حمّص حمّص ،
    والله لو بكرا مرتي بتحطلي حمّص الا أرمي حالي من البرج وأنتحر

    ثاني يوم جلسوا الثلاثة
    فتح الايرلندي لاقى همبرغر ـ رمى حالو من البرج وانتحر
    فتح الفرنسي لاقى ستيك - رمى حالو من البرج وانتحر
    فتح الحمصي لاقى حمّص - رمى حالو من البرج وانتحر

    ويوم العزاء
    توجهت الناس إلى زوجة الإيرلندي وصارت تلومها انو ليش تحطيلو كل يوم همبرغر
    قالت وهي عم بتبكي : والله اني فكرتو بيحب الهمبرغر، والله لو بعرف انو بدو ينتحر كنت
    قتلت حالي ولا حطتلو همبرغر

    ثم توجهت الناس الى زوجة الفرنسي وصارت تلومها انو ليش تحطيلو كل يوم ستيك
    قالت وهي بتبكي : والله اني فكرتو بيحب الستيك، عمرو ما اعترض
    والله لو بعرف انو بدو ينتحر كانت قتلت حالي ولا حطتلو ستيك

    ثم توجهت الأنظار الى زوجة الحمصي وبيستنوا شو راح تحكي
    قالت: شبكن كلكم عم تتطلعوا علي مستغربين والله هو كل يوم بيحط الفطور بإيده !!!!!!!!!!!!!!!!!!!!

  • #2
    رد: زوجة الحمصي

    الله عليك يا نبيل على هالنهفة اللي اجيت فيها بعد غيابك الطويل عننا
    ههههههههههه
    عبير
    :p

    تعليق


    • #3
      رد: زوجة الحمصي

      حمصي من الدرجة الأولى
      شكراً سيد نبيل لأنك لسى متذكر الحماصنة ونهفاتهم
      خفة دمك وظلك الخفيف غطوا على غيابك
      بس مارح نسامحك مرة تانية إذا تأخرت علينا
      خليك معنا ومنفطرك فتة ههههههههه .
      أضعف فأناديك ..
      فأزداد ضعفاً فأخفيك !!!

      تعليق


      • #4
        رد: زوجة الحمصي

        هههههههههه
        طيب ليش انتحر عاد ههههه
        مشكور اخ نبيل على الطرفه الحلوه
        ويعطيكك العافيه
        .....
        البَقَاء مَع شَخْصٌ اَنتَ حَقًّا تُحبهُ ‘حَتى لَو كُنتَ تَعلَمُ اَنّكُم لآتَستَطِيعُونَ البَقاء مَعاً
        كَـ اللّعِب تَحتٌ ¬{ المَطرِ , مُمتِع !
        لكنّكَ تَعلَمُ انّكَ سَــ تَمِرضٌ !

        تعليق


        • #5
          رد: زوجة الحمصي

          حلوة و جديدة يا نبيل

          تسلم ايدك ضحكتنا من قلبنا

          لا بقى تطول الغيبة علينا

          تعليق


          • #6
            رد: زوجة الحمصي

            شكراً كتيير عالمشاركة الحلوة..

            تعليق


            • #7
              رد: زوجة الحمصي

              والله حلوووه كتير كتير
              تحيـــ مع ـــاتي

              عبد الله
              صفا

              تعليق

              يعمل...
              X