إعـــــــلان

تقليص
لا يوجد إعلان حتى الآن.

تدرجات الألوان المائية والأحبار * طريقة الألوان المميعة ...؟!

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تدرجات الألوان المائية والأحبار * طريقة الألوان المميعة ...؟!

    تدرجات الألوان المائية والأحبار
    * طريقة الألوانالمميعة
    (تكنك :وهو أسلوب يعتمد تمييع تحليل )
    الألوان - الألوان المائية - والأحبار ضمن كميات متفاوتة من الماءللحصول على درجات مختلفة التشبع للون الواحد ، فتحليل الحبر الأسود ( يفضل الحبرالصيني ) في الماء يعطينا عداد غير محدود من الدرجات الرمادية والتي تتميز أيضاءبالشفافية . ويفضل عند استعمال هذا الأسلوب اقتناء ورق خشن قليل التشرب للماء لتجنبالتقوسات التي يحدثها الماء على سطح الورق ، وكأجراء احتياطي بشد الورق المعدللتصوير بشرائط لاصقة أو بدبابيس
    على قطعة خشبية أو على إطار خشبي قبل القيامبتلوينها .
    وأسلوب الألوان المميعة يمكن الجمع بينة وبين تقنيات تلوينه أخرىكإضافة بعض اللمسات اللونية لسطح تم تلوينه بالألوان المميعة عن طريق استعمالالأقلام الخشبية أو أقلام الحبر أو الرصاص أو الأقلام الجافة .

    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
    تدرجات الألوان المائية والأحبار * طريقة الألوان المميعة ...؟!

  • #2
    رد: تدرجات الألوان المائية والأحبار * طريقة الألوان المميعة ...؟!

    فيما يخص شد اللوحات في حال استخدام الألوان ذات الأساس المائي , متل:
    أكواريل (aquarelle) الألوان المائية ذات الشفافية
    غواش (gouache) الألوان المائية الكثيفة
    لافي (lavis)... الأحبار الممددة بالماء

    من التجربي الشخصيي:

    منقطع لزيق الشد ( هيك اسمو بالمكتبات الهندسيي, و مكتبات الفنون) و كل ما كان عريض كل ما كان أحسن, على قد كل ضلع من أضلاع اللوح الورقي و زيادي منيحة من كل جهة يعني ما تقل عن 5 سم.

    الرسم رح يكون على ورق من نوع كانسون (CANSON) و الو درجات من الخشوني , بيتبلل بالكامل بالمي , مو بطريقة المسح و إنما بتنكب المي عليه بغزارة , اذا الحجم صغير بساع بقلب جاط أو بالمجلى كتير منيح, اذا أكبر حطوه عالبرندة و ادلقوا سطل فوقو, أو اذا في نبريج على أحسن.. المهم ينبل بالكامل من الجهتين, بالأحرى يتسقسق.

    و هوي عم يشرشر بتمدوه على لوح الخشب بعد ما تكونوا مرطبينو بالمي ( ما بدا سطول القصة هون, بالسفنجي بكفي).

    لزيق الشد كمان بينحط تحت المي و بينبل بسخاء بدون ما تلقوا الوش اللميع ( اللي عليه المادي اللاصقة) و منمد أول وحدي عالضلع الأول بحيث يكون نصا لازق بالورقة و النص التاني عالخشب.. كل ما كان القسم اللازق بالورق أقل فالشد رح يكون عرضة للفشل أكتر. يعني معكون من نص لتلات أرباع عرض الشريط اللاصق ليكون عالورق.

    بالسفنجي الرطبي منمسد الورقة بالاتجاه العمودي على محور مد اللزيق – من عند الضلع الملزق للطرف المقابل) من شان اذا بلشت تقبقب.. كل ما حطينا اللزيق عضلع منمسد الورقة.. هيــــــــــك لنعمل الأضلاع الأربعة.

    هلأ منمشي السفنجي الرطبي داير مدار لوح الكانسون, فوق اللزيق لحتى يصير في لصق على كامل المساحة و منترك اللوح بالقليلي نص ساعة .. عكل حال وقت بينشف ما بخبي حالو, بصير مشدود و بيرجع خشن.

    وقت الرسم ممكن يرجع يقبقب بس ما مشكلي لأنو طالما مشدود من الأطراف بيرجع بينشد.

    بعد الانتهاء من الرسم و نشفان اللوحة بتنقص اطراف اللوحة من بعد اللزيق.

    بيتنضف اللوح من بقايا اللزيق ليكون جاهز للمرة التاني.

    و صحة و هنا

    قصدي و عليكون خير

    هلأ في ملاحظتين:
    الأولى أنو استخدام مسامير الكبس لا يغني عن اللزيق و إنما بساعد بس بتثبيت الورقة لبين ما ينمد اللزيق في حال اللوحات الكبيري و لما بدو ينشد الورق لقفا اللوح.

    الملاحظة التاني بتبلش هون أنو اذا بدو ينشد الورق على قفا لوح الخشب يعني ينطوى عالجوانب و يلف بصير في خطورة بأنو عكتر الشد بمنطقة اللف, الألياف الورقيي ما بتنشد بنفس النسبي, فاحتمال تنشق الورقة.. لهيك قد ما بتقدروا تحاشوها هدا غير الكرنشي عند الزوايا... اللي ينصح في حال الاصرار و الاضطرار, أنو تنقص الزوايا اللي رح تنلف بشكل مربع من شان ما تنطوى و تعمل سماكي بتزيد من كرنشة الزوايا ( تكسير و زمزمي). يعني بعدوا عن أسلوب التجليد و الطوي عالزوايا الداخليي للدفتر.

    ما تواخذوني عالإطالي..

    تعليق

    يعمل...
    X