إعـــــــلان

تقليص
لا يوجد إعلان حتى الآن.

زيارتي الى جورجيا

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • زيارتي الى جورجيا





    في البداية كنت أتمنى السفر الى أي دولة أوروبية لكن أسعار السياحة مرتفعة جدا في المدن الأوروبية الكبرى مثل باريس ولندن وأمستردام، وصدفة بتناقش مع صديق فقال لي: ليه ما تذهب لجورجيا

    جورجيا!

    آه جورجيا دي دولة عبارة عن متحف مفتوح من الخضرة والماء والوجه الحسن والأماكن الأثرية والمنتجعات السياحية، فقلت أدخل النت وأشوف.

    عملت سيرش ع النت واكتشفت إنها بلد روعة فعلا بس مش هيكفي إني أشوف تقارير وصور فقررت أسافر فعلا.
    حجزت وإتكلت على الله واتفاجئت فعلا قد إيه دي بلد عبارة عن حتة مش موجودة في الأرض بجد، بمجرد نزولي من الطيارة حبيت البلد دي وعلى رأي المثل "لاقيني ولا تغديني"، دا اللي حسيته فعلا، ترحاب بشكل جميل وابتسامة في منتهى الود حاجة تفتح النفس من أول مرة.

    كنت قرأت إني جورجيا عندها طبق مشهور اسمه "خينكالي" حاجة زي الزلابية بس على البطاطس على لحم البقر والجبن، بجد استمتعت بالطبق ده، تحس أنك بتأكل وتحلي ف نفس الوقت، شوف الجمال.

    أنا مش ناسي طبعا إني في بلاد فيها جزء مهم من جبال القوقاز يعني ببساطة شديدة، أنا في بلاد التنوع الممتع، مع إنها بلد صغيرة ودا بالنسبة لي سر جمالها، إنها تكون صغيرة وفيها كل التنوع السياحي ده، هيا دي المتعة بجد.

    ذكرت إني جورجيا بلد السياحة فيها رخيصة، لأن أفضل وجبة مع خدمة ممتازة مش هتزيد عن 3$، ولو مع قزازة نبيذ جيد الوجبة توصل 14$ يعني بالنسبة ليا على قد الجيب بالضبط.

    نسيت أقول إني نزلت في فندق اسمه ماريوت تبليسي، الجمال في الفندق ده إنه في قلب العاصمة، أقرب معلم أثري ليه 100 متر ودي كنيسة قديمة وبنائها مختلف جدا اسمها كنيسة كاشفيتي، وعلى بُعد 5 دقائق دار الأوبرا، و600 متر بالكثير ميدان الحرية، وبصراحة هي بلاد الحرية عمرك ما تحس فيها بأنك غريب ما بين ابتسامات الناس وطعم الأكل والخدمة في الفنادق، أنا فعلا عشت كام يوم فرقوا كتير في حياتي والحمد لله ما فرقوا كتير في الميزانية.

يعمل...
X