أخر الاخبار
أنت هنا: الرئيسية 2 العلوم والمعرفة 2 حكاية البادية السورية “بادية السماواه”.. كتبتها # منال_ ظفور Manal Zaffour..

حكاية البادية السورية “بادية السماواه”.. كتبتها # منال_ ظفور Manal Zaffour..

ربما تحتوي الصورة على: ‏‏نشاطات في أماكن مفتوحة‏‏لا يتوفر نص بديل تلقائي.ربما تحتوي الصورة على: ‏‏‏‏شخص أو أكثر‏، و‏نشاطات في أماكن مفتوحة‏‏ و‏طبيعة‏‏‏

من حكايا سوريا والسوريين..
حكاية البادية السورية “بادية السماواه”..
كلنا منعرف ومنعتقد انو البادية السورية هي مجرد سهول فقيرة وتﻻل جرداء وصحراء مناظرها ومشاهدها وحدة ما بتتغير ..يعني هي الفﻻ الضايع بهالمدى ..ما فيها شي ..ﻻ حجر وﻻ ماء وﻻ حياة وﻻ شي…أو ﻻ والله فيها شي ..فيها تدمر اﻹعجوبة..إي بس ماخطر عا بالنا نتساءل كيف هالمدينة العظيمة التاريخية اﻷثرية انوجدت بنص هالصحرا القفرة الفقيرة وسادت عالعالم القديم !!؟؟؟
وأكيد منسمع كمان بمملكة ماري..و الرصافة ..وأثريا..وحلبية وزلبية..واﻷندرين..وجعبر..ونخيلة..وصفين..وجزلة..والقريتين.. وصدد ..ومسكنة ..وطبعا الرقة ودير الزور ..والتنف..ووووالخ…
كل هالمدن موجودة بالبادية السورية الواقعة جنوب وشرق سوريا واللي بتضم المناطق الموازية للحدود من شرق اﻹردن وغرب العراق وشمال السعودية ..يعني شمال البادية السورية هو منطقة الهﻻل الخصيب (اللي هو حوض دجلة والفرات من العراق للجزء الساحلي من بﻻد الشام)..وجنوبها اسمه بادية الصقارين (مكان وجود الصقور)…
وكانت البادية السورية (أو الحماد السوري)..على مدى التاريخ معروفة باسم اقترن فيها وشاع استعماله قديما : هو “صحراء السماواه” وهي من أقدم المناطق بسوريا..وبالعالم أجمع.. وهي إعجوبة اﻷعاجيب وكنز طبيعي تاريخي..
والسماواه بتعني : (السقف أو المكان المرتفع)..يعني سقف أو طلة أو طلعة أوهيئة أو مﻻمح أي شيء.. وسماوة الهﻻل يعني ارتفاعه بالسماء..
وهاﻹسم أطلق عالبادية السورية ﻷنها بتوقع ضمن إطار 3 وحدات بنائية كبيرة (وصف جيولوجي) وهنن : الصفيحة العربية..ومنخفض الفرات.. وحوض دمشق…
لهيك باديتنا هي عبارة عن منطقة شاسعة وواسعة بتضم جبال شاهقة وتﻻل عالية و وديان متنوعة صخرية وترابية ورملية..عميقة وعريضة (كأنها سراير أنهار قديمة)..ومسيﻻت (مجاري سيول) صيفية..وأودية عديدة ممتدة تحت اﻷرض كأنها شبكات لصرف المياه (متل :وادي الدحل..والدحيل..والقاطر.والعكة)..
وهالشي خﻻها شديدة الغنى والتنوع والحيوية بنباتاتها (بتشكل البادية السورية أهم المراعي الطبيعية الغنية باﻷعشاب النادرة )..وحيواناتها ومناظرها الطبيعية الخﻻبة وبإمكانياتها ومقدراتها الظاهرة..والمخفية تحت اﻷرض..وهي أغنى منطقة بسوريا بالثروات الباطنية : (النفط..الغاز..الفوسفات..اﻹسفلت..والرمال الملونة بأشكال متعددة الغنية والنادرة بالعالم ورمال الكريستال ورمال السيليكون..)..وكمان تعتبر البادية غنية بالمياه ﻷن هاﻷودية الكثيفة والعديدة فيها بتحتضن كل قطرة ماء بتنزل من السما..فبتشكل خزان مياه طبيعي وقديم جدا…
طبعا باﻹضافة لغناها العظيم بالمواقع والتﻻل والمدن اﻷثرية العديدة:من آثار عروس البادية تدمر..للرصافة.. ل اﻷندرين..ومملكة ماري..للقصور (قصر الحيرالشرقي..قصر ابن وردان) والمعابد (معبد بل..معبد بعلشمين..معبد شمس بأثريا) وعدد كبير من الحصون القديمة جدا (حصن النجم..جعبر..نخيلة..صفين..الجزلة)…
ومن البلدات المهمة جدا جدا (بسببها عم احكي حكاية سريعة عن البادية) هي بلدة التنف اللي اسمها المثلث الحدودي (بعدالتقسيم والترسيم الحدودي ..بين العراق وسوريا واﻹردن).. واللي بتشكل عقدة مواصﻻت إقليمية بتربط بﻻد الشام القديمة (سوريا.. لبنان.. فلسطين.. اﻹردن..العراق) مع الجزيرة العربية ( الخليج حاليا ) و إيران ودول آسيا الوسطى…وكانت البادية الممر العظيم والرئيسي لطريق الحرير القديم…
هي حكاية سريعة جدا عن البادية السورية اللي مامنعرف عنها شي …بس الغرباء اتعرفوا عليها ودرسوها واكتشفوا خباياها ..فأمريكا مثﻻ : اهتمت بنفسها وشخصيا بمثلث التنف وأعطته أهمية خاصة جدا جدا جدا بسنة 1991..
وبسنة 2003 نفذت عمليات انزال جوي بالتنف (قبل اجتياح العراق)…
ومن بداية الحرب على سوريا وهي متواجدة بطريقة ﻻشرعية بالتنف…قال هي بتشرف عالخط الحدودي الممتد من التنف حتى القائم .. وطبعا بنت قواعد عسكرية بعدة مناطق.. ومعها معدات وآﻻت و تقنيات وتكنولوجيا..وحتى معدات استديو تصوير سينمائي عالية التقنية (لتصوير مسرحياتن المعهودة ضد بلدنا )…فاﻷمريكان عم يحفروا وينقبوا وياخدوا ويدربوا ويشيلوا ويحطوا ويتصرفوا عاكيفن كأنو بيت أبوهن ..وهنن اللي عم يعفشوا اﻷخضر واليابس فوق اﻷرض وتحت اﻷرض..(بيقولوا شهود عيان حقيقيين انو اﻷمريكان عم يسرقوا رمال التنف الغنية الكريستالية والسيليكونية من 2015 لحد اﻵن).
فﻻ تصدقوا إنو (أمريكا بخاطرها ورضاها) رح تترك البادية السورية بادية السماواه اللي بتشكل نقطة استراتيجية هامة لبسط سيطرتها ونفوذها عالمنطقة ولمنع التقدم والتطور بكافة المجاﻻت وخاصة اﻹقتصادية…ولقطع طريق الحرير الجديد (الصين ودول آسيا) ﻹيمانها باﻹعتقاد القديم بانو السيطرة عا طريق الحرير هو سيطرة عالعالم…غير طبعا تعديها السافر على ثروات ومقدرات منطقتنا ….
هيدي حكاية البادية السورية باختصار شديد..يمكن معرفتنا بهالجقائق بيوحدنا لندافع ونرد عنها اﻷمريكان وأصدقائهن اللي استباحوا أرضنا وثرواتنا ومقدرات بلدنا وقتلوا ومازالوا عم يقتلوا أهلنا السوريين…
يا سماواه الهﻻل الخصيب هللي وارتفعي بالسما متل ماكنتي بحكايات التاريخ…
وحييتوا يا أهل بادية السماواه الصامدين بالرقة ودير الزور والتنف وتدمر وغيرها….
وبكل رملة بالبادية في جرعة أمل رح تشرق وتحيا فيكن ياسوريين..وتحيا سوريا..

لا يتوفر نص بديل تلقائي.
ربما تحتوي الصورة على: ‏‏نشاطات في أماكن مفتوحة‏‏
ربما تحتوي الصورة على: ‏‏‏‏شخص أو أكثر‏، و‏نشاطات في أماكن مفتوحة‏‏ و‏طبيعة‏‏‏
يافا نصور
يافا نصور المضحك المبكي فعلا
تحيا سوريا

سمير شوكة
سمير شوكة تحيا سورية

Somer Kaydaban
Somer Kaydaban أيام مملكة تدمر هل كانت هذه البادية صحراء أم أنها تصحرت فيما بعد؟

May Sakalli · 
ابو كميت سليمان
ابو كميت سليمان احييك يا منال ….وأشكرك

Haifa Azoz
Haifa Azoz بيضلو الغرباء بيدرسوا وبيعرفو بثرواتن اكتر منا ليش ….لانو منهاج التاريخ بمدارسنا ما بيحكي هيك حكايات بالعكس بيعتم عليها وبيحكي قصص بتخجل اصغر سوري ..تحيا سوريا حكواتيتنا السورية

Riad-Helen Jaber
Riad-Helen Jaber ربي يحميكي يا سوريا .

Abo Samer
Abo Samer ممتن جدا لهذه المعلومات

الموساوي الموساوي
الموساوي الموساوي مااروعك وانتي تخطي تاريخ المجد والحضاره السوريه الرائعه “

رد الموساوي الموساوي 
Marie Samaan
Marie Samaan يلي بيزعل انو العالم بيعرف اهمية البادية السورية والسوريين لا يعرفون شيء عنها اليست هذه مهزلة من صناعة وزارات التربية المتعاقبة ببلدنا

Fatena Saleh
Fatena Saleh للاسف ما منعرف غير انو البادية السوريه عبارة عن صحراء بيسكنا ناس بعيدين عن الحضاره .وكانوا سوريا هي دمشق وبس .

اسد بابل
اسد بابل روعاتك ملكة

Hussein Zaghbour
Hussein Zaghbour كم انت رائعة وجميلة اخت منال بمعلواتك الحضارية فانت سورية
جميلة وراقية.شكرالك

1

Marie Rozz Nicola Botrus
Marie Rozz Nicola Botrus أرض الجنة

Elias Brimo
Elias Brimo هذه اﻷرض عربية .فاﻷرض لمن يصحرها..

Diana M. Ibrahim
Diana M. Ibrahim الك كل الشكر والاحترام وياريت اولادنا يدرسوا تاريخنا بكتبهم ويفتخروا فيه قبل ما ينسرق وما يضل الو آثر

المؤزر الكادري
المؤزر الكادري كلام دقيق جدا وهالرمال شربت من دمنا كتير ربي يحرسك ويحميكي

Tark Khaled Assad
Tark Khaled Assad يسعد اوقاتك …. تدمر المجد تدمر الاعجوبه … عروس الصحراء .. نبع آفقا .. المياه الكبريتيه … كلها مصادر حياة وتواجد للبشريه

حنان بيلونة
حنان بيلونة الله يحمي سوريا

تماضر غانم
تماضر غانم الله يحمي كل شبر وكل حبة تراب من وطنا …في أمور كتيره مابيعرفوها السوريين عن وطنهم وأهميتو مع الأسف في تقصير كتير من وزارة التربيه بهيك موضوع

Melad Ali
Melad Ali جميل جدا” …. كما انه شوهدت مروحيات امريكية تقوم بنقل صناديق من الذهب والاثار من منطقة التنف يقومون بالحفريات

Hussein Zaghbour
Hussein Zaghbour حياك الله وادام عطر حروفك

Issac Amal Lebbos
Issac Amal Lebbos لكم الشكر على الوصف الجميل سوريا الكبرى بتستاهل هالحكي

امیل السطایحی
امیل السطایحی سلمت يداك

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>