أخوو الشليتي…
لمن بعصب بتطلع فورا عالساني مسبة “أخو الشليتي”
اي مو بس أنا معظمكن اذا مو كلكن بتقولوا هالمسبة…بما انو صرلنا 7 سنين معصبين ومافي عا لسانا غير هالمسبة أخو الشليتي… واخوات شليتي…(بعرف في غيرها كتييييييير…و مابدي احكي غير عن اخوات الشليتي)..وعاكتر مادرجت عالسانا صرنا نستخدما لنعبر عن اعجابنا بشيء او حدا ومنقول (اللعفى شو انو اخو شليتي يعني ذكي وملعون)…المهم قررت اعرف شو معنى هالكلمة (سيئة..كويسة..وليش هي مسبة) ومنين جاي ..ففتحت كتب التاريخ … وطلع الها حكاية صغيري : الشليتي بالتعريف هو المراقب (عا اساس باللغة التركية..بس طلعت دخيلة عالتركية)..لهيك قلبي شك انو اﻷتراك سارقينا من اﻵرامية السريانية متل ما سرقو كلمة مرحبا وغيرا كتير اشياء من تراثنا وعم ينسبوها الهن…
ﻷنو شلتو ( بتسكين الشين واﻻم ) باﻵرامي والسرياني يعني راقب باستمرار..تابع.. اهتم..(لسه عم اتأكد من أصلها ومعناها…بتمنى من المختصين بهالموضوع يغنونا )….
منرجع لحكاية الشليتي : قال بأيام اﻹحتﻻل العثماني لبﻻدنا…صار في تﻻعب باﻷسعار و رشاوي وفساد من قبل بعض التجار نجاه المواطنين ..فعينت الحكومة الحنونة العثمانية موظف شليتي = يعني موظف مراقب..مهمته يراقب اﻷسعار بالسوق ويتأكد انو مايصير تﻻعب فيها من قبل التجار ..(على مين !!! عالتجار !!!) المهم ما اخد الشليتي غلوة بين ايديهم ودغري فات باللعبة وصار يرتشي وياخد براطيل منشان ما يفسد عليهن..وبعد فترة حست الحكومة العثمانية انو هالشليتي ما عم يقوم بمهمته فعينوا موظف تاني مراقب عليه اسمو موظف سرسري = يعني موظف مراقب وفساد لضبط الفساد ..حتى يراقب الشليتي…اي وما طول كتير السرسري وعجبتوا اللعبة وصار يرتشي وياخد براطيل من الشليتي و من التجار …ومن وقتا صار الشليتي والسرسري كلمات بتنقال عالفاسدين والمتعاونين معن…
شفتو يعني صحي ماطلعت أخو الشليتي كلمة سيئة أو مسبة …اي بس طلعت مصيبي ﻷنو ما عم تنشال هالكلمة عن لسانا من كتر مافي حوالينا اخوات شليتي ..وشليتي..وسرسرية بكل شي وبكل مكان (طبعا بايام اﻹحتﻻل العثماني مو هﻷ ﻻ يروح فكرن لبعيد )
عافكرا فيروز (كمان بايام اﻹحتﻻل العثماني) بتحكي عنن بمسرحية يعيش :
انت عم تراقب ..وفي حدا بيراقبك …وحدا بيراقب الحدا
وفي حدا فوق الكل ..عم يراقب الكل..وقاعد عا راس السيبي
ماهوني المصيبي..يامعتر ياهالموطن من اخوات الشليتي…
لمن بعصب بتطلع فورا عالساني مسبة “أخو الشليتي”
اي مو بس أنا معظمكن اذا مو كلكن بتقولوا هالمسبة…بما انو صرلنا 7 سنين معصبين ومافي عا لسانا غير هالمسبة أخو الشليتي… واخوات شليتي…(بعرف في غيرها كتييييييير…و مابدي احكي غير عن اخوات الشليتي)..وعاكتر مادرجت عالسانا صرنا نستخدما لنعبر عن اعجابنا بشيء او حدا ومنقول (اللعفى شو انو اخو شليتي يعني ذكي وملعون)…المهم قررت اعرف شو معنى هالكلمة (سيئة..كويسة..وليش هي مسبة) ومنين جاي ..ففتحت كتب التاريخ … وطلع الها حكاية صغيري : الشليتي بالتعريف هو المراقب (عا اساس باللغة التركية..بس طلعت دخيلة عالتركية)..لهيك قلبي شك انو اﻷتراك سارقينا من اﻵرامية السريانية متل ما سرقو كلمة مرحبا وغيرا كتير اشياء من تراثنا وعم ينسبوها الهن…
ﻷنو شلتو ( بتسكين الشين واﻻم ) باﻵرامي والسرياني يعني راقب باستمرار..تابع.. اهتم..(لسه عم اتأكد من أصلها ومعناها…بتمنى من المختصين بهالموضوع يغنونا )….
منرجع لحكاية الشليتي : قال بأيام اﻹحتﻻل العثماني لبﻻدنا…صار في تﻻعب باﻷسعار و رشاوي وفساد من قبل بعض التجار نجاه المواطنين ..فعينت الحكومة الحنونة العثمانية موظف شليتي = يعني موظف مراقب..مهمته يراقب اﻷسعار بالسوق ويتأكد انو مايصير تﻻعب فيها من قبل التجار ..(على مين !!! عالتجار !!!) المهم ما اخد الشليتي غلوة بين ايديهم ودغري فات باللعبة وصار يرتشي وياخد براطيل منشان ما يفسد عليهن..وبعد فترة حست الحكومة العثمانية انو هالشليتي ما عم يقوم بمهمته فعينوا موظف تاني مراقب عليه اسمو موظف سرسري = يعني موظف مراقب وفساد لضبط الفساد ..حتى يراقب الشليتي…اي وما طول كتير السرسري وعجبتوا اللعبة وصار يرتشي وياخد براطيل من الشليتي و من التجار …ومن وقتا صار الشليتي والسرسري كلمات بتنقال عالفاسدين والمتعاونين معن…
شفتو يعني صحي ماطلعت أخو الشليتي كلمة سيئة أو مسبة …اي بس طلعت مصيبي ﻷنو ما عم تنشال هالكلمة عن لسانا من كتر مافي حوالينا اخوات شليتي ..وشليتي..وسرسرية بكل شي وبكل مكان (طبعا بايام اﻹحتﻻل العثماني مو هﻷ ﻻ يروح فكرن لبعيد )
عافكرا فيروز (كمان بايام اﻹحتﻻل العثماني) بتحكي عنن بمسرحية يعيش :
انت عم تراقب ..وفي حدا بيراقبك …وحدا بيراقب الحدا
وفي حدا فوق الكل ..عم يراقب الكل..وقاعد عا راس السيبي
ماهوني المصيبي..يامعتر ياهالموطن من اخوات الشليتي…