كتبت (( Manal Zaffour )) بتحكي الاسطورة السورية..انو الاله حدد ابن بعل (اله المطر والرعد والبرق والعواصف والرياح والزرع ) طبعا هو كان اله دمشق ومعبده موجود بمكان الجامع الاموي ومحيطه ..يعني كل انسان لازم يزرع ولو كان آخر يوم بعمره..واللي بيزرع كتير وبمحبة وتضرع للاله ..بيرضى عنه لانو عم يقدملوا قرابين كتير.. فبالمقابل بيعطيه الاله حدد مكافأه انو يرمي البركة بايديه ..فبتصير ايديه مباركة يعني ( ايدو خضرا واي نبتة بيزرعا بتطلع فورا و بتخضر يعني بتعيش) ..

بتحكي الاسطورة السورية..انو الاله حدد ابن بعل (اله المطر والرعد والبرق والعواصف والرياح والزرع ) طبعا هو كان اله دمشق ومعبده موجود بمكان الجامع الاموي ومحيطه… كان بيضل رايق ربع السنة ومعصب تلات رباع السنة بس بيعطينا اشارات من ايلول انو بلشت موجة العصبية عندو…واشارة بآخر الربيع انو بلش يروق ..بس بالصيف بيحاول يفرغ غضبو وعصبيتو لهيك بتصير موجات حر وشوب….ما علينا
منرجع للاسطورة..طلب الموريو حدد من البشر انو عا مدار السنة لازم يقدمولو قرابين..وهالقرابين هي انو يزرعوا اما شجر او ورد او نباتات بانواعها ..يعني كل انسان لازم يزرع ولو كان آخر يوم بعمره..واللي بيزرع كتير وبمحبة وتضرع للاله ..بيرضى عنه لانو عم يقدملوا قرابين كتير.. فبالمقابل بيعطيه الاله حدد مكافأه انو يرمي البركة بايديه ..فبتصير ايديه مباركة يعني ( ايدو خضرا واي نبتة بيزرعا بتطلع فورا و بتخضر يعني بتعيش) واللي ما بيزرع يعني ما عم يقدم قربان لحدد….ايوووووه هون المريو حدد بيغضب وبيعصب وما عاد بيشوف قدامو فبييعت عالارض اعاصير وعواصف تنبيه للبشرليقدمولو قرابين .. فبيزرعوا ….واذا ما زرعوا بمحبة بييبعتلن برق ورعد..فبتصير حرائق….وأذا القرابين ماكانت كافية بيبعت امراض واوبئة عالزرع…لان ما عجبو القربان…
و السوريين كانوا يحبوا الاله بعل وابنه حدد وكانوا يقدموا القرابين دايما عا مدار السنة فكانوا يزرعوا دايما فكافأهن بعل بانو يساعدن بالري والسقاية ..اللي بيصعب علين سقايته بيتركوه لبعل يتكفل فيه(منسميها زراعة بعلية) …والاله حدد كافأهن بانو عطاهن البركة بايديهن (ايدن خضرا ) وصاروا السوريين ايدن خضرا بكلشي بالزراعة والحرفة والصناعة وكل سوري بيزرع بتصر ايدو خضرا بكل شي…وكل شيء بيلمسوه بيخضرر يعني بتدب فيه الحياة…
من 5 سنين لهﻷ ..غضب الآلهة نازل عاسوريا والسوريين
بنعرفوا ليش؟؟؟ ﻷن عم نقطع الشجر عم نمنع الخير..عم نقطع حبل المحبة … ماعم نزرع شجر وورد ونبات بمحبة
يمكن حتى ما عم نزرع بنوب….بس عم نزرع كره وحقد ودمار ودم وخلافات وصراعات …عم نربط حبال المحبة مع الغربا ونقطعا عن اهل بلدنا …عم ندوس الخير والبركة عنا او عم نعطيه للغربا ليحاربونا فيه…
تعوا نرجع نقدم قربان للموريو حدد وكل واحد فينا يزرع شجرة ..وردة ..ياسمينة …اي شي خلوا بلدنا تخضر من جديد وتدب فيها الحياة والخير والبركة….لتحيا سوريا …و تحيااا سوريا